01/04/2025 Unha delegación do Concello de Manresa visitou hoxe Santiago para coñecer a Praza de Abastos e celebrar unha xuntanza de traballo co concelleiro responsable de Mercados, Xan Duro. A alcaldesa, Goretti Sanmartín, tamén mantivo un encontro co grupo, encabezado pola concelleira de Comercio da cidade catalá, Tania Infante.
O concelleiro de Mercados, Xan Duro, acompañou á delegación nunha visita á Praza de Abastos, despois dunha xuntanza no Pazo de Raxoi na que o edil explicou o funcionamento do mercado e as liñas de traballo que están abertas para a súa revitalización, da man da mesa de traballo da que forman parte representantes das diferentes naves do mercado, a Unión de Consumidores de Galicia, o sector hostaleiro e as asociacións veciñais. Ademais da concelleira de Comercio, Tania Infante, da delegación de Manresa formaban parte personal técnico municipal, e responsables de diferentes cooperativas da cidade catalá, como SuperCoop Manresa e Frescoop.
