27/06/2024 Fontes: La Voz de Galicia e TVG
Eva Longoria está de rodaxe por Santiago de Compostela. Esta mesma mañá, a protagonista de Mujeres desesperadas visitou a Praza de Abastos da capital galega xunto co equipo de Searching for Spain, un documental culinario para a canle estadounidense CNN (USA) que embarcou á “celebrity” texana, con raíces mexicanas e asturianas, nunha peregrinaxe gastronómica a través da gastronomía española que comezou a gravarse o 8 de xuño e emitirase no 2025. Tras pasar por outras comunidades, a súa presenza en Ferrolterra xa levantou expectación durante os últimos días, e agora faio na capital galega.
Acompañada polo seu fillo de 6 anos, Santiago Enrique Bastón, a actriz —que decidiu deixar Hollywood e instalarse en España xunto á súa familia— compartiu nas súas redes sociais varios vídeos xunto ao pequeno no seu tempo libre. Ademais, nos seus stories de Instagram, vese como celebra xunto ao equipo de Searching for Spain no restaurante compostelán Abastos 2.0 o éxito de Terra de mulleres (Land of Women), serie que protagoniza tamén Longoria para Apple TV e colocouse xa entre as máis vistas.
Sobre a súa visita á Praza de Abastos, xa circulan polas redes imaxes nas que se ve a Longoria dándose algunha homenaxe doce e sacándose fotografías con varios placeiros, que non quixeron desperdiciar a ocasión de pousar xunto a unha estrela da pequena e a gran pantalla, como desde o posto da Carnicería Pilar González e a Carnicería Carmiña.
