05/05/2023 O Espazo Apego acollerá está tarde ás 19:30 un acto de homenaxe aos comerciantes locais que levan 50 anos ou máis ofrecendo os seus produtos e servizos na cidade. Ao acto acudirá o alcalde Xosé Sánchez Bugallo que entregará un diploma e un distintivo a todos estes establecementos a modo de recoñecemento polo seu peso e contribución ao tecido comercial da cidade.O acto “50 anos de comercio histórico de Santiago de Compostela” será conducido por Lucía Castro, responsable do Departamento de Comercio do Concello de Santiago e contará coa presenza do alcalde de Santiago, Xosé Sánchez Bugallo, representantes da Corporación municipal, así como comerciantes homenaxeados e os seus achegados.
O rexedor entregará a cada un dos asistentes un diploma que acredita a condición de comercio histórico e un distintivo para colocar nos seus establecementos.
Durante o acto, tamén intervirá Alejandro Gómez-Ulla, propietario da Farmacia Gómez-Ulla, en representación dos homenaxeados.
En total, 43 establecementos serán recoñecidos pola seu protagonismo no tecido comercial de Santiago ao longo das última décadas: Juan Portela Seijo (desde 1939), Ferretería Cruz (desde 1940), Bazar Casa Sole (desde 1920), Bazar de Villar (desde 1865), Armería Toribio (desde 1890), Mercería Algui (desde 1949), Mercería las 3 BBB (desde 1939), Librería Follas Novas (desde 1971), Libraría Couceiro (desde 1969), Quiosco Modernista (desde 1910), Teté Niños (desde 1972), Sombrerería Iglesias (desde 1912), Calzados Severino (desde 1932), Confecciones Riande (desde 1920), Charcutería Seco (desde 1950), Pastelería La Perla “Pedras de Santiago” (desde 1973), Ultramarinos Carro (desde 1880), Ultramarinos Cepeda (desde 1888), Pastelaría Las Colonias (desde 1880), Pastelería Mercedes Mora (desde 1924), J y R Otero Caritón (desde 1961), Televés (desde 1958), Hijos de CV Otero (desde 1887), Maderas Vázquez (desde 1958), Cerería Cinco Calles (desde 1940), Asthor decoración (desde 1973), Fotos Novoa (desde 1952), Farmacia Gómez- Ulla (desde 1910), Farmacia Bescansa (desde 1917), Joyería Mayer (desde 1830), Reloxería Gerardo Mayer (desde 1835), Relojería Joyería Mayer, Joyerúa Bernardino Otero (desde 1906), Ramón González Orfebres (desde 1951), pastelería Tábora (desde 1870), Comercial Julio Tojo (desde 1913), Joyería Gómez (desde 1948), LaFemme Centro de Estética, Piepas (desde 1973), Artesanos Victoria, Piteira, Valladares e Joyería Augusto Otero (desde 1923).
