Iniciado o proceso de selección dos 30 establecementos candidatos a albergar a mostra “Comercio Emblemático 2019”

Unha imaxe recollida nunha anterior exposición de "Comercio Emblemático"

O Concello convoca o comercio de Santiago para a súa participación na exposición Comercio Emblemático 2019: algo máis que mercar. Seleccionaranse 30 establecementos que acollerán nos seus escaparates, dende finais do mes de marzo, fotografías que reflicten a historia da actividade comercial compostelá. Para poder participar cómpre formalizar unha solicitude neste enlace.

Unha imaxe recollida nunha anterior exposición de "Comercio Emblemático"
Unha imaxe recollida nunha anterior exposición de “Comercio Emblemático”

A mostra en escaparates consistirá na colocación de imaxes históricas, montadas sobre paneis (un panel por establecemento) con medidas adaptables a cada comercio. A selección realizarase seguindo dous criterios: a data de rexistro de entrada das solicitudes e máis a idoneidade dos escaparates como espazo expositivo.

A terceira edición da campaña Comercio Emblemático inaugurarase o mércores 27 de marzo. Ademais dos 30 establecementos, a mostra inclúe tamén unha exposición na Carreira do Conde.

A selección de Comercio Emblemático 2019 estase a levar a cabo esta semana, mediante votación das asociacións de comerciantes e entidades relacionadas co comercio en Santiago. Concorren establecementos nas categorías de ferretería, menaxe e electrodomésticos; mercería; librería e papelería; moda, calzado e complementos; alimentación; industria; servizos e farmacia; e ourivería e artesanía.

Ligazóns