13/06/2025 O vindeiro luns, 16 de xuño, remata o prazo para trocar os Bonos Corazón nos comercios e hostalería locais de Santiago.
Segundo as bases de concesión de axudas do programa, o período de validez dos bonos remata o 16 de xuño ás 22 horas. Unha vez finalizado o devandito prazo, o saldo non consumido caducará, sen posibilidade de demanda da súa devolución. Por iso, as persoas que aínda teñen saldo deberán trocalo en establecementos do comercio ou hostalería locais adheridos á campaña antes do 16 de xuño ás 22h. Pódese consultar os establecementos participantes na páxina do programa Bonos Corazón.
Este ano, o programa Bonos Corazón conta cun aumento de presuposto, chegando aos 600.000€, que se repartirá en dúas convocatorias. Polo tanto, antes de que remate o ano procederase á convocatoria doutra campaña enmarcada nos Bonos Corazón 2025.
Desde o Departamento de Comercio queremos agradecer ás persoas participantes polo seu apoio ao comercio de proximidade.
