11/11/2024 Os Bonos Corazón mobilizaron un volume de vendas de case 1,5 millóns de euros nos 552 establecementos de hostalería e comercio adheridos á campaña, que finalizou o pasado día 4. A concelleira de Dereitos e Servizos Sociais, Promoción Económica e Xuventude, María Rozas, salientou a boa acollida da convocatoria “que volveu servir para dinamizar os negocios locais e para dar a coñecer, diante de nova clientela, a calidade do noso tecido comercial de proximidade fronte á auxe das compras online e das grandes superficies”.
Nesta edición, o Concello de Santiago destinou 450.000 euros aos Bonos Corazón. As vendas totais ascenderon a 1.462.454,24 euros, 76.500 euros máis que en 2023; dos que 1.119.396,33 euros foron pagados co Bono Corazón. Destas vendas totais, o importe das compras realizadas nos comercios ascendeu a 1.388.242,83 euros, e os 72.211,41 euros restantes corresponden a establecementos de hostalería.
En canto ao número de establecementos adheridos, foron 552, a maioría deles, 480, do sector comercial.
Como en edicións anteriores, habilitáronse bonos de 50 euros, cantidade da que o 40% corría a cargo do Concello e o 60% restante a cargo dos consumidores e consumidoras. En total, repartíronse 22.500 bonos, que foron adquiridos en menos de 10 horas por un total de 8.780 persoas.
12/12/2024 Fonte: La Voz de Galicia
Acertarías coas tendas de Santiago que máis venderon cos Bonos Corazón?
A campaña, finalizada o pasado 4 de decembro, bate récords en Compostela, pechando a súa última edición cun volume de vendas de case 1,5 millóns de euros .
Dinamizar o comercio local e facilitar as compras do Nadal eran dúas dos obxectivos da campaña Bonos Corazón, finalizada en Santiago o pasado 4 de decembro. Unhas metas que, unha vez comprobados os comercios e tendas que durante a convocatoria —que se estendeu durante un case mes, desde o 8 de novembro— máis venderon cos Bonos Corazón, demóstranse cumpridas.
O mércores remata o prazo para canxear os Bonos Corazón
02/12/2024
O próximo mércores, 4 de decembro, finaliza o prazo para canxear os Bonos Corazón e, tal e como establecen as bases da convocatoria, rematado o período de validez o bono non trocado caducará e non se poderá solicitar a súa devolución. A día de hoxe, as vendas abonadas con Bonos Corazón aproxímanse ao millón de euros.
Na convocatoria deste ano, 10.456 persoas adquiriron un total de 22.500 Bonos Corazón. A día de hoxe, os bonos mobilizaron vendas por valor de 1.277.831,11 euros, dos que máis de 981.432,03 foron abonados con Bonos Corazón. Das vendas totais, 67.281,34 euros foron no sector da hostalaría, e o resto no comercio. No programa participan 586 establecementos.
Os Bonos Corazón contaron este ano cun orzamento de 450.000 euros, e centralizáronse no mes de novembro atendendo á demanda o colectivo de comerciantes. Como na edición anterior, estableceuse unha única modalidade de bono cun valor de 50 euros, dos que o Concello achega 20 euros e a persoa solicitante os 30 euros restantes. Cada persoa puido solicitar e obter un máximo de tres bonos.
26/11/2024
Xa só queda unha semana para poder trocar os vosos #BonosCorazón no comercio local de Santiago.
O vindeiro mércores, 4 de decembro ás 22 horas, remata o prazo para facelo.
Non deixen para o derradeiro día as súas compras.
Podedes consultar todos os comercios adheridos na seguinte ligazón 
https://cutt.ly/1eJ8xu4b
Remata o prazo para que os comercios se adhiran á campaña dos Bonos Corazón Compostela 2024
22/11/2024
Última semana para que os comercios se adhiran á campaña dos #BonosCorazón. O próximo venres, 29 de novembro, remata o prazo para os establecementos.
Inscricións na seguinte ligazón https://cutt.ly/yeKQR9qM
E lembrade, as persoas beneficiarias dos bonos poderán empregalos nas súas compras locais ata o 4 de decembro.
