A campaña “12 comercios, 12 sensibilidades” 2025
O comercio de Santiago MOSTRA O SEU COMPROMISO SOCIAL coa volta do proxecto “12 comercios, 12 sensibilidades” 2025
02/06/2025
Comezamos o mes de xuño con dous novos protagonistas do programa 12 comercios, 12 sensibilidades. Tócalle a quenda á tenda de equipamento deportivo Atmósfera Sport, que dará visibilidade á labor de ACEM.
A Asociación Compostelana de Esclerosis Múltiple, Párkinson, ELA, otras enfermedades neurodegenerativas y enfermedades raras (ACEM) é unha organización se ánimo de lucro que traballa pola mellora da calidade de vida das persoas afectadas por estas enfermidades, ás súas familias e ás persoas coidadoras. Presta servizos sanitarios – fisioterapia, logopedia, terapia ocupacional… – así como sociais e xurídicos. Tamén conta cun programa de rehabilitación integral.
Atmósfera Sport leva máis de 40 anos ofrecendo produtos e equipamento deportivo da máxima calidade. Así mesmo, trátase dun comercio moi comprometido co deporte local.
Durante este mes de xuño, podase visitar en Atmósfera Sport un punto informativo sobre a labor que realiza ACEM, onde tamén se poderán mercar produtos solidarios. Por outra banda, organizaranse diferentes actividades para impulsar a participación cidadá nesta campaña.
- Mércores 11 de xuño ás 18:00 h: Charla “Nocións básicas sobre nutrición” co nutricionista Hugo Barreiro.
- Sábado 21 de xuño: I Carreira Solidaria ‘Ruta 091’.
- Xoves 26 de xuño ás 19:00 h: Mesa redonda “Vivir con Párkinson e Esclerose Múltiple”.
Coa iniciativa 12 comercios, 12 sensibilidades, que volve por segundo ano consecutivo tras o éxito da primeira edición, búscase dar visibilidade ao traballo de entidades solidarias ao tempo que se favorece o fluxo de persoas entre pequenos establecementos composteláns. Para iso, ao longo de todo o ano reúnese a doce comercios de Santiago e a doce entidades solidarias, que levarán a cabo unha colaboración durante un mes completo. O programa conta coa colaboración da Concellaría de Dereitos e Servizos Sociais, Promoción Económica e Xuventude.
Nos vindeiros meses, os comercios e entidades participantes serán os seguintes:
Xullo
- ELA Interiorismo
- Agadea
Agosto
- Libraría Lila de Lilith
- Casa Comunitaria Aluandé
Setembro
- Maravalla
- Refuxio de Bando
Outubro
- Mimolett
- Fundación Andrea
Novembro
- Cousas Do Campo Froitas e Verduras
- Aldeas Infantiles
Decembro
- Trisquel Artesanía
- Asociación Dano Cerebral de Santiago
